Orania
Verskeie beelde is hier al opgerig.
Heelwat monumente is ook al gered en hier heropgerig.
Bekendste is die Koeksistermonument wat die Afrikanervroue se opoffering vir liefdadigheid d.m.v. die bak en verkoop van koeksisters en ander tuisprodukte simboliseer.
Koeksistermonument (Saartjie Klipkop Blad)
Die Koeksistermonument in Orania is opgerig as ‘n eerbetoon aan dié vrouens wat oor dekades heen koeksisters gebak het om by basaars geld in te samel vir kerke, skole, kinder- en ouetehuise.
Hierdie gedenkteken is opgerig deur Orania se Kaalvoet-vrouevereniging en in September 2003 onthul deur Anna Boshoff, die dogter van dr. H.F. Verwoerd.
Dit is 2 m hoog en bestaan uit polistireen bedek met glasvesel. Jan-Otto du Plessis van Kaapstad was die beeldhouer.
Die beeld van die Klein Reus en bronsbeelde van prominente figure uit die Afrikanergeskiedenis o.a. Paul Kruger, John Vorster, Hendrik Verwoerd.
In die Verwoerdmuseum is talle beelde van Dr H. Verwoerd en in die Kultuurhistoriese museum heelwat beelde en fotos en items uit volksverlede.
Die Ierse Monument se 4 pilare verteenwoordig die 4 Ierse kommandos van 125 man elk wat die boere gehelp het in die ABO. Die opstygende sirkellyn simboliseer die strewe na vryheid. Hierdie beeld het oorspronklik in Johannesburg gestaan en toe hy afgebreek is, is hy verskuif na Orania in 2002. Rondom die oorspronklike beeld was ‘n betonwal wat afgebreek is en nie verskuif is nie.
