Monument vir Franse Hugenote in Graaff-Reinet
1688 – 1988
Die eerste Franse Hugenote kom April 1688 in die Kaap aan.
Hulle was vlugtelinge uit Frankryk, hul Vaderland, waar hulle meedoënloos vervolg was ter wille van hulle geloof.
Hierdie Hugenote het mettertyd ‘n groot rol in die ontwikkeling van hulle nuwe Vaderland gespeel.
17 April 1948 is die Hugenote Monument met sy ryke simboliek in Franschhoek onthul.
Driehonderd jaar later 1988 is hulle aankoms in Suid-Afrika herdenk.
1988 is daar In Graaff -Reinet ‘n piramiedvormige klipmonumentjie opgerig ter herdenking aan die aankoms en vestiging van die Franse Hugenote. 1688-1988 : 300jaar.
15 April 1988 is hierdie Hugenote Monumentjie op die kerkplein (Hugenotepark) agter die
Graaff- Reinet Stadsaal onthul deur die Franse Konsulaat G A L Perrolet ( Gerald).
Van ons bekendste vanne in Suid-Afrika is op die sykant aangebring: NEL, NELL, HUGO, NAUDE, GOUWS, RETIEF, JACOBS, FOURIE, MEYER, DU TOIT, DU PREEZ, DE LANGE, MALHERBE, LABUSCHAGNE, NORTIER, NORTJE, THERON, OLIVIER, LE ROUX, MINNAAR,FOUCHE, SNYMAN,PIENAAR, DELPORT, SENEKAL, VILJOEN, LOMBAARD, DE KLERK, TERBLANCHE, DELPORT.
Bron en Foto’s : Graaff-Reinet Toerisme
