Die Groot Aarbei
Redberry Aarbeiplaas
Redberry Farm
George
Die Redberry Aarbeiplaas is bekend vir sy heerlike groot bloedrooi soet aarbeie, varsgepluk met eie hande.
Hier is ñ leergeleentheid soos min, ñ ervaring met vermaak en ontspanning vir die hele gesin.
Die eienaar en hoofboer van die Redberry Farm is Mark Miller, oorspronklik van Kokstad.
Mark volg in die voetspore van sy pa en oupa wat ook toegewyde boere was.
Mark Miller vestig hom in George in die jaar 2000.
DIE GROOT AARBEI
Dan is daar ook…
DIE REUSE AARBEI
Nie ñ monument nie, maar verseker ñ besonderse landmerk.
Voltooi in April 2022
Hoogte: 14,46 m
Deursnee: 8, 5 m
By die bouproses was 40 persone betrokke.o.a. ñ argitek, ontwerper, ingenieur, staalwerk-spanne, veselglas- en vloerdeskundiges.
Die bouproses het 4000 ure opgeslurp.
Hierdie reuse aarbei is 682 keer groter as ñ normale gemiddelde aarbei.
Vir die konstruksie met sy uitkykpunt bo-op is 30 ton staal gebruik, gelykstaande aan 1,7 miljoen aarbeie, 4350 boute en skroewe en 3899 vierkante meter veselglas om die aarbei en blare te vorm.
960 liter verf later, daar is die reuse aarbei wat van ver af gesien kan word en uitroep: Heerlike soet aarbeie!
Gesond en propvol vitamines!
Ook bekend vir die grootste permanente doolhof in die Suidelike Halfrond. Een van die moeilikste doolhowe om te voltooi met 9 aarbeistasies en ñ 25 m ondergrondse tonnel. ñ Doolhof met baie doodloopgange en raaisels met ñ opvoedkundige les of 2. Min mense kan hierdie uitdaging 100% slaag. Die doolhof is in 2008 aangeplant en in 2012 amptelik geopen.
Bronne: Redberry Farm
Foto’s Gys Ströh Snr ( Gysbertus Johannes Ströh ) Desember 2023
Samesteller Kobie Ströh
