VEREENIGING se STRAATNAME
‘n Ondersoek na die oorsprong en betekenis (waar moontlik).
Straatname in die sentrale deel van Vereeniging
Vereeniging se Sentrale Kern se Straatname lees soos ‘n Geskiedenisboek.
DIE DORP VEREENIGING
Vereeniging het sy ontstaan te danke aan die steenkool wat George William Stow in 1878 hier ontdek het.
Vereeniging se naam is afkomstig van die steenkoolmaatskappy wat deur Sammy Marks en George William Stow bedryf was: “De Zuid Afrikaansche en Oranje Vrijstaatsche Kolen en Mineralen Mijn Vereeniging”
Die steenkoolmaatskappy het aansoek gedoen by die ZAR (Transvaal Regering) vir die stigting van ‘n dorp aangesien die inwonergetalle en ontwikkeling rondom die steenkoolmyne ‘n dorp hier regverdig het.
Die Uitvoerende Raad van die ZAR se Volksraad het die 4de Julie 1882 die plan vir ‘n dorp goedgekeur en die naam wat hulle gekies het vir die dorp was “Vereeniging” die laaste woord van die steenkoolmaatskappy.
Die finale amptelike dokument vir die goedkeuring is eers op 23 Desember 1889 onderteken deur die Staatsekretaris.
Planne vir die dorpsgebied is deur Johan Rissik opgestel.
E Jorissen het alles opgemeet. Elke erf was 200 voet by 100 voet groot.
4 Akker is in die middel van die dorpie uitgehou as ‘n markplein.
Aanvanklik is min erwe verkoop weens wantroue van die publiek oor die standvastigheid van nuwe dorpies en bedrywighede wat rondom die skagte van die myne ontstaan het waar myners hulle gevestig het.
1890 is die eerste nywerheid in Vereeniging opgerig o.a. vir die vervaardiging van vuurvaste kleistene.
Die dorpie het vinnig in ‘n handelsentrum begin ontwikkel.
1892 is van die dorp se erwe per openbare veiling in Johannesburg verkoop en die kopers het begin om huise op die erwe te bou. Geleidelik het Vereeniging as ‘n dorp begin ontstaan.
DIE UITLEG VAN VEREENIGING
Die dorp Vereeniging is uitgelê volgens ‘n rooster patroon.
Wye strate (Streets) strek van noord na suid en lane (Avenues) strek van oos na wes.
Die strate was aanvanklik genommer volgens die Amerikaanse model van lane en strate. Strate 1 tot 9 en Lane 1 tot 14.
Later was die name verander na ‘n gelyke hoeveelheid prominente Engelse en Afrikaanse Suid-Afrikaners.
Die huidige Lewis Laan / Avenue was Avenue / Lane No. 1 tot en met De Villierslaan wat Avenue / Lane No. 14 was.
Uniestraat was Street No. 1 en Van Riebeeckstraat was Street No. 9.
Na die voltooiing van die spoorlyn vanaf Bloemfontein na Vereeniging, die tydelike houtbrug en die verlenging van die spoorlyn na Johannesburg het die spoorlyn deur die dorp geloop (op die hoek van De Villiers & Unie).
Eers later (1920’s en 1950/s) is die spoorlyn heraangelê aangesien druk spoorverkeer dit genoodsaak het om ‘n nuwe brug te bou en om spoorverbindings te verbeter. Daar het daagliks sowat 60 treine deur Vereenigingstasie gestoom.
NAAMVERANDERINGS
Name van prominente mense en Plekname is aan die strate en lane toegeken, bv. Lewislaan was Lane Number One.
Mainstreet is in 1939 herbenoem na Voortrekkerstraat ter herdenking aan die Simboliese Ossewatrek van 1938.
Senator Marks Laan was eers net gewoon Marks Laan.
TEERSTRATE
Die stowwerige strate in Vereeniging was in die begin van die dorp se ontstaan en groei bedek met ‘n aaklige laag swart steenkoolstof en dieremis.
In die reënseisoen het die strate gou-gou verander in ‘n modder-pappery.
Die modderspore wat die transportwaens uitgetrap het is mettertyd bedek met ‘n gruislaag soos daar geld beskikbaar geraak het.
Die strate was afgeperk met lanings bome.
1932 is ‘n gebied rondom die stadsaal en ‘n gedeelte van Marklaan, wes na Bothastraat eerste geteer . Dit was die woonbuurt waar die meer welvarende en invloedryke inwoners gewoon het.
Twee jaar later, 1934, is ‘n smal middelstrook in Mainstraat geteer om deurverkeer te dra en om aan te sluit by die pad van Vereeniging na Johannesburg. Die pad van Vereeniging na Johannesburg is in 1934 geteer.
In 1935 is die straat in die sakebuurt, Marklaan, tussen die stadsaal en die spoorwegstasie geteer.
1941 was daar reeds 150 myl (240 km) teerstrate in Vereeniging.
VOORTREKKERSTRAAT se voorkoms verander
1939 is Mainstreet se naam verander na Voortrekkerstraat.
1941 is Voortrekkerstraat geteer en wyer gemaak met verkeerseilande in die middel vir die lengte van die straat. Treur-moebeibome is toe in die middel op die eiland geplant. Die voorkoms van die dorp was daarmee baie aantreklik gemaak.
Voortrekkerstraat was die deurgangsroete na Johannesburg.
Tans sluit Barrageweg,rigting vanaf Vanderbijlpark, by Voortrekkerstraat aan. Interessant is dat ‘n gedeelte van Voortrekkerstraat aan die suide parallel met Barrageweg loop en soos ‘n dienslaan gebruik word. .
STRAATNAME van die Sentrale Sakekern:
LANE VAN OOS NA WES:
Lewislaan Avenue (was Lane No 1 / Eerste Laan)
Livingstone Ave
Smuts Ave
Victoria Ave
Stanley Ave
Senator Marks Ave (Was Marks Ave)
Beaconsfield Ave
Market Ave
Merriman Ave
Kruger Ave
Hofmeyer Ave
Grey Ave
Rhodes Ave
De Villiers Ave ( Was Avenue No 14 / Veertiende Laan)
Telford Ave
General Smuts Ave
STRATE VAN NOORD NA SUID
Unie Str (was Street No 1 / Eerste straat)
Voortrekker Str (Was Main Road)
Leslie Str
Joubert Str
Edward Str
Botha Str
George Str
Van Riebeeck Str (was Street No 9 / Negende straat)
Station Road het skynbaar verdwyn.
NAAMGEWING VAN DIE STRATE IN VEREENIGING
Met die gee van straatame was die naamgewers baie kreatief.
Sekere areas se name is volgens ‘n tema aangedui Bv Wes van die sakegebied is ‘n area met hoofaaklik name van Boksoorte. Interessant is dat die strate hier nie volgens die normale roosterpatroon uitgelê is nie.
Name van strate in hierdie area is Zebrastraat, Elandstr, Duikerstr, Kudustr, Wildebeesstr, Sablestr, Blesbokstr, Kwaggastr, Oribistr, Steenbokstr, Bosbokstr, Rooihartbeesstr, Nyalastraat en sommer ook ‘n Porcupine straat.
In die Noord-ooste is weer name van bekende wetenskaplikes soos Faraday, Newton, Schonland en Nuffield gebruik.
Die groot deurgangspad na Drie Riviere heet Generaal Hertzog (Boereleier) en aan die oostekant Mario Milani Drive. Dr Mario L Milani dien vanaf 1972 vir 30 jaar as aktiewe lid van die Stadsraad van Vereeniging (6 termyne, die langste dienende Raadslid.) As erkenning vir sy baanbrekerswerk in Vereeniging se ontwikkeling , ontvang Mario L Milani ereburgerskap van Vereeniging 1992.
Suid van die sentrale gebied vind ons ook ‘n eienaardige uitbreiding waar daar afgewyk is van die normale roosterpatroon met interessante name soos Corneliastraat, Berkowitz Str, Paul Str, Bertha Str , Betty Str en Sharpe Str.
Die oorsprong van sommige van hierdie uitbreiding se name is nog raaiselagtig.
Corneliastraat: Cornelia: Die ou myn naby Viljoensdrif was die Corneliamyn (opvolger van die ou Central Mine ), een van Suid-Afrika se grootste steenkoolproduserende myne (1895) met ‘n Berthaskag en ‘n Bettyskag . Die eerste sooi van hierdie myn is gespit deur President Reitz van die Oranje Vrystaat. Hy vernoem hierdie myn na sy ma Cornelia. Moontlik is Cornelia Str, Berthastr en BettyStr vernoem nav die eerste myne in Vereeniging.
Bertha straat: Bertha Gutman Marks was die vrou van Senator Sammy Marks.
Bertha Gutman Marks
Bettystraat: Betty? Wie Betty van Bettystr was, is nog ‘n raaisel. Moontlik vernoem na George William Stow se vrou Caroline Elizabeth Stow (Stow trou 23 Julie 1844 met Caroline Elizabeth SKINNER. Sy sterf 1867).
Wie was Betty?
Paulstraat: Paulstraat is ook nog ‘n raaisel. Moontlik vernoem na Paul Kruger, ‘n groot vriend van Sammy Marks.
Sharpestraat: John Lillie Sharpe, Burgemeester van Vereeniging, 1934 – 1937. Sharpeville is ook na hom vernoem.
Berkowitzstraat: Aaron David Berkowitz burgemeester van Vereeniging 1919- 1927, hy het hom beywer vir die oprigting van ‘n hospitaal.
STRAATNAME IN DIE SENTRALE DEEL VAN VEREENIGING VERTEL GESKIEDENIS
LANE VAN OOS NA WES
1.Lewis Avenue / Lewislaan / No 1 / Eerste Laan
Isaac Lewis
Isaac Lewis en Sammy Marks het ‘n groot rol gespeel in die ontstaan, stigting en ontwikkeling van Vereeniging
Reeds met die ontdekking van steenkool in 1878 het hulle direk betrokke geraak met die omgewing wat later as Vereeniging bekend geraak het
Vereeniging het sy naam te danke aan die maatskappy wat hulle gestig en bedryf het. De Zuid Afrikaansche en Oranje Vrijstaatsche Kolen en Mineralen Vereeniging (1880).
2.Livingstone Ave / Laan
David Livingstone (1813 – 1873)
Skotse ontdekkingreisiger, pionier, sendeling in suidelike, sentraal en oos-Afrika. Hy was een van die groot Britse helde gedurende die laat-Victoriaanse tydperk. Daar word aanvaar dat Livingstone die eerste Europeër was wat die Victoria-waterval gesien het, 1855
30 jaar lank het hy Afrika deurkruis, plekke besoek waar geen Europeër nog ooit sy voete gesit het nie
David Livingstone het deur sy kennis, ervaring en inligting grootliks Europa se siening van Afrika en sy mense positief beïnvloed. Hy het geglo in Afrika se vermoë om deel te word van die moderne en beskaafde wêreld
David Livingstone gedenksteen, Zambië
David Livingstone
3. Smuts Ave / Smutslaan
Daar is ook ‘n General Smuts Ave / Generaal Smutslaan. Vermoedelik beide vernoem na:
Jan Christian Smuts 1870 – 1950
Staatsman, militêre leier
Eerste Minister van die Unie van Suid-Afrika 1919 – 1924, 1939 – 1948
Smuts was die hoofargitek van die Grondwet van die Unie van Suid-Afrika
Smuts was in ‘n politieke vennootskap met Cecil John Rhodes en Onze Jan Hofmeyr. Ná die mislukte Jameson-inval word hy egter ‘n Afrikanernasionalis en republikein
In die eerste Unie-kabinet het Smuts drie portefeuljes beklee: Binnelandse sake, Myne en Verdediging, maar in 1912 net twee: Finansies en Verdediging. Sy Verdedigingswet No. 13 van 1912 was blywende wetgewing.
Jan Smuts
4. Victoria Ave / Laan
Koningin Victoria
Alexandrina Victoria, Koningin van Engeland en Ierland vanaf 1837 tot 1901, 63 jaar lank
Die eerste kragstasie by Vereeniging is ook genoem: Die Victoria Falls Kragstasie (1912) : “Victoria Falls and Transvaal Power Company Queen Victoria”
Koningin Victoria
5. Stanley Ave / Laan
Sir Henry Morton Stanley ( gebore as John Rowlands; 1841 – 1904)
Amerikaanse Ontdekkingsreisiger, joernalis, skrywer, soldaat, Britse Politikus. Bekend vir sy reise deur Sentraal-Afrika, sy soeke na die oorsprong van die Nylrivier en die Kongorivier en sy soektog na die beroemde ontdekkingsreisiger, David Livingstone. Vir ‘n paar jaar lank het niemand iets van hom gehoor het nie. Soekgeselskappe het reeds verskeie kere vrugteloos na David Livingstone gaan soek
1871 het hy David Livingstone opgespoor naby die Tanganyika-meer (vandag Tanzanië). Hy vind ‘n baie siek en verswakte man en groet hom met die bekende woorde: “Dr. Livingstone, I presume?”
The Herald‘s own first account of the meeting, published 1 July 1872, reports:[2
“Preserving a calmness of exterior before the Arabs which was hard to simulate as he reached the group, Mr. Stanley said: – “Doctor Livingstone, I presume?” A smile lit up the features of the pale white man as he answered: “Yes, and I feel thankful that I am here to welcome you.”[
Met die broodnodige voedsel en medisyne wat Stanley saamgebring het, het Livingstone gou herstel en saam het hulle die meer en Afrika verder verken. Stanley keer terug na Engeland in 1872.
Sir Henry Stanley
6. Senator Marks Ave/ Laan ( Was eers Marks Avenue, later verander na Senator Marks Avenue, moontlik om verwarring met Market Ave te voorkom )
Sammy Marks (1822 -1882)
Leslie en Sammy Marks was die stigters van Vereeniging
Toe Sammy Marks die nuus hoor dat Stow steenkool daar langs die Vaalrivier ontdek het (1871), het hy dadelik die waarde daarvan besef en die plase in die omgewing laat aankoop om die steenkool daar te begin ontgin
Sammy Marks was die VADER VAN VEREENIGING genoem, Vereeniging is uit sy visie en ywer gebore. Hy kan ook met reg ook die VADER VAN DIE TRANSVAALSE NYWERHEID genoem word
Saam met Lewis stig hulle die dorp Vereeniging in 1889
ABO 1898 – 1902: Sammy Marks het ‘n groot rol gespeel in die vredesooreenkoms tussen Boer en Brit, Die Vrede van Vereeniging, 31 Mei 1902.
Samuel Marks se bydrae tot Vereeniging: Bydrae (Sarel Veldsman)
1. Samuel marks het aanvanklik al die plase en grond in en om Vereeniging aangekoop.
2. Hy het die Maatskappy begin wat die naam aan Vereeniging gegee het.
3. Hy het die eerste steenkoolmyn in Vereeniging begin.
4. Hy het Corneliamyn in Viljoensdrif begin
5. Hy het ‘n vervoermaatskappy begin wat steenkool na Kimberley toe uitgevoer het.
6. Hy het die eerste poskantoorgebou geskenk aan Vereeniging.
7. Hy het Steen en Pan (Brick & Tile) as ‘n besigheid in Vereeniging gevestig.
8. Hy was betrokke met die eerste treinbrug se opening in Vereeniging.
9. Hy het die pont by Viljoensdrif bedryf as ‘n besigheid.
10. Hy het sy terrein beskikbaar gestel vir die Vredesonderhandelinge in Vereeniging.
11. Hy het die Bosbou en plantasies by Maccauvlei begin.
12. Hy het die eerste Indiërs in Vereeniging en Maccauvlei gevestig.
13. Hy het die eerste Appelboorde aangeplant by Maccauvlei.
14. Hy het die eerste Keerwal (Weir) in die Vaalrivier laat bou.
15. Hy het die eerste gemeganiseerde landbou toegepas by Maccauvlei.
16. Hy het die eerste grootskaalse landbouboerdery skema begin.
17. Hy het die eerste volle gemeganiseerde Meule in Vereeniging gebou.
18. Hy het die eerste staalsmelter in Vereeniging gebou.
19. Hy was betrokke by die eerste Kragstasie wat gebou was in Vereeniging
20. Hy het die Rand Water Skema by Barrage begin
21. en die Vereeniging Pompstasie en Suiweringswerke.
22. Hy het die aanvanklike Riviera Hotel laat bou.
7. Beaconsfield Ave / Laan
Benjamin Disraeli, Earl of Beaconsfield ( 1804 -1881) / Graaf van Beaconsfield
Britse staatsman wat van 1874 – 1880 in die parlement gedien het. Britse Eerste Minister (1868 en 1874). Goeie vriend van Koningin Victoria wat in 1876 aan hom die titel Earl of Beaconsfield gegee het. Hy was die Eerste Earl of Beaconsfield
Verskeis dorpe, plekke en paaie elders in die wêreld is vernoem na die gewilde Earl of Beaconsfield en sy vrou. In Kimberley vind ons ook die naam Beaconsfield.
Benjamin Disraeli, Earl of Beaconsfield
8. Market Ave / Marklaan
Die sakebuurt van die dorp Vereeniging was Market Ave.
Die belangrikste sakebuurt was aan die onderkant van Marklaan in die rigting van die stasie.
9. Merriman Ave / Laan
John Xavier Merriman ( 1841 – 1926)
Suid-Afrikaanse politikus
Eerste Minister van die Kaap Kolonie (1908 – 1910), die laaste Eerste Minister van die Kaap Kolonie voor die vorming van die Unie van Suid-Afrika 1910.
John X Merriman
10. Kruger Ave / Krugerlaan (Daar is ook ‘n Paulstraat, waarskynlik ook vernoem na Paul Kruger, ‘n groot vriend van Sammy Marks)
Stephanus Johannes Paulus Kruger (1825 – 1904)
Gewilde Boereleier, Lid van die Driemanskap
Staatpresident van die ZAR 1883 – 1904.
Stephanus Johannes Paulus Kruger
11. Hofmeyer Ave / Hofmeyerlaan
Jan Hendrik Hofmeyr (Onze Jan) 1845 – 1909
Joernalis en politikus
Redakteur van De Volksvriend, later De Zuid-Afrikaan
In 1878 stig hy “Het Zuid-Afrikaansche Tijdschrift” om belangstelling vir die Nederlandse taal te wek.
Hy beywer hom vir gelyke regte van Hollands en Engels
‘n Prominemte figuur in die Eerste Taalbeweging
In 1890 help hy met die stigting van die Taalbond en vanaf 1903 steun hy “De Goede Hoop” ter bevordering van die Hollandse taal
In 1905 hou hy sy beroemde toespraak “Is’t ons ernst?”, waarvan die woorde op die voetstuk van sy standbeeld in Kaapstad verskyn. Met hierdie vraag het Onze Jan – soos hy in die omgang bekend gestaan het – die Nederlandse taal probeer bevorder, dog dit het onregstreeks ‘n groot stoot aan Afrikaans besorg deurdat kampvegters soos dr DF Malan en Gustav Preller nou ook in die bres getree het vir Afrikaans.
Daar was ‘n politieke vennootskap tussen Cecil John Rhodes en Onze Jan Hofmeyr.
Beeld van J.H. Hofmeyr, Kerkplein, Kaapstad
Jan Hendrik Hofmeyr (Onze Jan)
12. Grey Ave / Greylaan
Sir George Grey 1812 -1917
Goewerneur en Hoë Kommissaris van die Kaapkolonie
Reis deur die Kaapkolonie, Vrystaat en Natal om vredesooreenkomste te sluit en om goeie verhoudings tussen die Boererepublieke, Britse kolonies en inheemse stamleiers aan te moedig
Heg hoë waarde aan opleiding en opvoeding, evangeliesasie en aanvaarding van die westerse kultuur.
Sir George Grey
13. Rhodes Ave / Rhodeslaan
Cecil John Rhodes 1853 – 1902
Britse mynmagnaat, Politikus
Eerste Minister van die Kaapkolonie 1890-1896
Politieke vennootskap tussen Cecil John Rhodes en Onze Jan Hofmeyr.
Cecil John Rhodes
14. De Villiers Avenue / De Villierslaan / was Veertiende Laan
John Henry de Villiers, Lord Henry de Villiers, Eerste Baron De Villiers van Wynberg in die Provinsie van Kaap die Goeie Hoop en die Unie van Suid-Afrika 1842 – 1914
Die eerste Hoofregter van die Suid-Afrikaanse Hooggeregshof 187. Hy beklee hierdie pos vir 40 jaar
De Villiers het geglo aan gratis basiese onderrig.
Hy het geglo dat Engels die hooftaal moes wees, maar dat Hollands ook ’n plek moes hê. De Villiers was egter gekant teen die strewe om Afrikaans as taal te bevorder
Ná die Eerste Vryheidsoorlog (1880-1881) was hy lid van die kommissie wat aan die Pretoria Konvensie – die vredesluiting ná die oorlog – gewerk het
Laastens was hy die voorsitter van die komitee wat die Unie se konsepgrondwet opgestel het
Na die vestiging van die Unie van SA het hy as Hoofregter bly dien van 1910 -1914
Hy dra by tot die vestiging van ’n appèlhof in 1910.
John Henry de Villiers
John Henry de Villiers as Hoofregter
15.Telford Avenue / Telfordlaan
Thomas Telford 1757 – 1834
‘n Skotse siviele ingenieur bekend vir sy pad- en kanaalprojekte, tonnels en hawens in Skotland
Ontwerper van talle brûe, veral die hangbrug
Die eerste President van die Institution of Civil Engineers.
Thomas Telford
16. General Smuts Ave / Generaal Smutslaan
Jan Christian Smuts 1870 – 1950
Staatsman, militêre leier
Eerste Minister van die Unie van Suid-Afrika 1919 – 1924, 1939 – 1948
Smuts was die hoofargitek van die Grondwet van die Unie van Suid-Afrika, die Suid-Afrika-wet
In die eerste Unie-kabinet het Smuts drie portefeuljes beklee: Binnelandse sake, Myne en Verdediging, maar in 1912 net twee: Finansies en Verdediging. Sy Verdedigingswet No. 13 van 1912 was blywende wetgewing.
Jan Christian Smuts
STRATE
VAN NOORD NA SUID STREK WYE STRATE
1.Unie Street / Uniestraat Was Street Number 1 / Eerste straat
Uniestraat was moontlik eers Stasiestraat. Die ouer inwoners van Vereeniging praat vandag nog steeds van Uniestraat as Stasiestraat. Na Uniewording is die straatnaam waarskynlik verander na Uniestraat.
Die Unie van Suid-Afrika 31 Mei 1910
Die 4 selfregerende Kolonies; Die Britse Kaap de Goede Hoop, Britse Natal, Transvaal en die Oranjerivierkolonie, is na die ABO (1898-1902) en die Vrede van Vereeniging (1902) in 1910 verenig as die Unie van SA onder Britse beheer. Die kolonies het provinsies geword nl. die Transvaal, Oranje-Vrystaat, Natal en Kaap de Goede Hoop. Jan Smuts en John X Merriman was die groot argitekte van die eenwording van die 4 provinsies.
31 Mei 1961 het die Republiek van SA ontstaan.
2.Voortrekker Street / Voortrekkerstraat / Was Main Road
Mainstreet se naam is in 1939 verander na Voortrekkerstraat ter herdenking aan die Simboliese Ossewatrek in 1938.
Mainstreet / Voortrekkerstraat
Voortrekkerstraat se Monumentjie is verskuif na die Vredesmonument-terrein in Vereeniging.
3.Leslie Street / Lesliestraat
Dr Thomas Nicolas Leslie 1858 – 1942
Kalkbrander, klipgroefwerker, bouer. Antropoloog, geoloog, botanis, antropoloog, fotograaf
Kenner van klippe en stene
Liefde vir drama en letterkunde
Arriveer 1891in Vereeniging
Geweldige groot bydrae gelewer tot die ontwikkeling van Vereeniging.
Vereeniging se eerste Burgemeester
Kenner op die gebied van Fossiele en Steenkoolneerslae in die Vereeniging-area
Ontdek ‘n versteende woud op die bodem van die Vaalrivier, die stamme van die versteende bome is tot 15 meter lank. Ongelukkig is alles onder water na die Barrage gebou is.
Thomas Nicolas Leslie
4.Joubert street / Joubertstraat
Generaal Petrus Jacobus Joubert / Piet Joubert / 1831 – 1900
Kommandant-generaal van die Boeremagte tydens die Eerste Vryheidsoorlog 1880 -1881 en aan die begin van die ABO 1898 – 1902
Vorm 1880 saam met Paul Kruger en MW Pretorius die Driemanskap wat Transvaal se eer moes herstel na die Eerste Britse anneksasie. Groot held van Majuba.
Generaal Piet Joubert
5.Edward Street / Edwardstraat
Prins Albert Edward 1841 – 1910
Oudste seun van Koningin Victoria
Na Victoria se dood in 1901 word hy gekroon as Koning Edward VII.
6.Botha Street / Bothastraat
Louis Botha 1862 – 1919
Groot leier van die Boervolk tydens die ABO.
Verteenwoordiger van die Boere tydens die Vrede van Vereeniging
Die eerste Eerste Minister van die Unie van Suid-Afrika.
Louis Botha
7.George Street / Georgestraat
GEORGE WILLIAM STOW (STOWE) 1822 -1882
Ontdekker van steenkool in Vereeniging
Die vader van Vereeniging
Geoloog, kartograaf, historikus , skrywer, digter , kunstenaar
1878 ontdek hy waardevolle steenkoolneerslae by Makouw’s Vlei. (Vereeniging).
GEORGE WILLIAM STOW
8.Van Riebeeck Street / Van Riebeeckstraat / Street No 9 / Negende straat
Johan Anthoniszoon Van Riebeeck / Jan van Riebeeck 1619 – 1677
Volksplanter aan die Kaap van Storms / Halfwegstasie / Bou ‘n Fort
Die VOC stuur Jan van Riebeeck Kaap die Goeie Hoop toe om daar ‘n handelspos te vestig
6 April 1652 land Jan van Riebeeck aan die Kaap om hierdie moeilike taak as kommandeur aan te pak
Mei 1662 verlaat hy weer die Kaap om ‘n pos in Batavia te aanvaar.
9. Station Road / Stasiestraat het verdwyn met verlegging van die spoorlyn.
Bronne: Vereeniging Suid-Afrika deur Ramon Lewis Leigh, Sarel Veldmann se Geskiedenis van Vereeniging, Internet: www.monument-sa.co.za. Vereeniging Geskiedenis.
.jpg){kind=link}
