DIE VOORTREKKERS JEUGBEWEGING
1 Junie 2025
Vredesmonument / Vryheidsmonument
Vereeniging
VLAGHYSINIG, EREDIENS, KRANSLEGGING, INLYWING.
Die Voortrekkers van Gebied Oosvaal kom bymekaar vir ñ spesiale diens ter herdenking aan die ABO en die Vrede van Vereeniging 31 Mei 1902..
Verskeie Kommando’s van Oosvaal het kranse gelê om die ABO in gedagte te roep.
Die diens is gelei deur Kapelaan JP Jordaan.
Gevolg deur ñ treffende inlywing van Verkenners en Staatmakers van Distrik Oosvaal. Dit is ñ besonderse voorreg om jou belofte af te lê so aan die voet van die Vredesmonument met sy sterwende burger waaruit ñ gees/wil van staal rys.
KLEIN VOORTREKKERMONUMENTJIE
Die klein Voortrekkermonumentjie wat die Simboliese Ossewatrek en Fakkelloop met hoeksteenlegging en inwyding van die Voortrekkermonument in Pretoria (1938 en 1949) herdenk is reeds verskuif vanaf Voortrekkerstraat in Vereeniging se middedorp na ñ veilige ereplek voor die Vredesmonument.
NUWE VOORTREKKER- GEDENKSTEEN / AFRIKAANSE TAAL
2025 gedurende die Afrikaanse Taaljaar is ook ñ nuwe monumentjie of gedenksteen opgerig om hierdie besonderse mylpaal te vier… AFRIKAANS 100 jaar gelede as amptelike taal erken.
Die verskillende Kommando’s van die Oosvaal het elkeen iets (Boodskappe op papier) in ñ Tydkapsule geplaas. Dit is verseël in hierdie gedenksteen.
Daar word beplan om in 2031 met Die Voortrekkers se 100 ste verjaarsdag die kapsule weer oop te maak.
OOSVAAL
Gebied Oosvaal is Julie 2023 gevorm. Hulle het die Vredesmonument as hulle amptelike simbool aanvaar.
Oosvaal Kommando’s:
Baanbreker
Eben Donges
Hoogland
Impala
JC Calitz
Kompas
Kruinsig
Org Meyer
Springs
Suiderlig
Suikerbos
Susan Badenhorst
Tant Tibbie Visser
Vryheidsmonument
FAKKEL
ñ Fakkel is deur Oosvaal Verkenners aan Orion Kommando (Vrystaatse Voortrekkers) oorgedra wat dit weer op hul beurt verder suidwaarts sal dra en aangee van kommando na kommando. Die eindbestemming die Afrikaanse Taalmonument in Paarl.
Baie geluk met ñ suksesevolle geleentheid wat ñ diepe indruk op elkeen teenwoordig gelaat het.
Ons is trots op die jeug van ons land. Hulle is die toekoms van Suid-Afrika.
Dankie vir getroue leiers en offisiere wat altyd bereid is om die ekstra myl vir ons kinders te loop. Dankie vir ouers wat saam met hulle kinders die pad vorentoe stap.
HOU KOERS!
